【昨天打完仗，今日生活如常】
香港係一個多元城市，多次元嗰種「多元」
尋日六區開花，賀佢老味，有人中槍有地方被燒
然後今日一覺瞓醒，地鐵各站全開，
番工嘅人繼續番工，旅客繼續濕平，商店繼續開門⋯
尋日唔理你點定義，暴唔暴動，喺我心中已經係打緊仗
但香港人就係如此頑強，你睇打完風攀山涉水都要番工就知。
有人中槍，我頭先出去聽到個OL講緊「依家興整呢隻指甲」
有人中槍，我頭先係朗豪坊仲見到賣護膚品嗰個corner逼爆
世界最殘酷就係咁，有人中槍，但地球依然繼續轉。
因為香港就係一個咁嘅地方
那怕你開幾多槍，租金、樓價、學費、生活費都如常地貴
那怕你再痛心疾首，月尾你要交嘅費用都唔會對你憐憫
所以尋日打仗，今日都不得不「生活如常」
雖然我知道有好多人內心根本無可能如常
但係軀幹卻不得不如常工作同生存。
我唔怪任何人被逼扮正常
我唔怪呢個世界呢個社會幾無情殘酷，
我只恨自己喺呢個世界大齒輪下，如此無能為力。
唯有答應自己
二零一九十一國殤，呢一槍我永不原諒。
香港警察，此生下世，我都絕不原諒。
志健，一定要早日康復。
#好人一生平安
IG：@hkgirlfriend
FB：港女友
Search